(1)మరీచి కొడుకు కశ్యప ప్రజాపతి. బ్రహ్మదేవుడి కుడి చేతి బొటన వేలి నుండి దక్షుడు అనే పురుషుడు, ఎడమచేతి బొటన వేలి నుండి ధరణి అనే స్త్రీ జన్మించారు. వారు ఇరువురికి వెయ్యి మంది మహా రుషులు జన్మించారు. (2)బ్రహ్మ మానస పుత్రులలో రెండవ వాడైన అంగిరుసున కు, ఉతధ్యుడు, బృహస్పతి, సంవర్తుడు అనే కొడుకులు పుట్టారు. బృహస్పతి దేవతలకు గురువు ఐనాడు. (3).అత్రి అనే మానసపుత్రునికి అనేక మంది మహా మునులు జన్మించారు.(4) పులస్త్యుడు అనే బ్రహ్మ మానసపుత్రునకు, రాక్షసులు జన్మించారు. (5)పులహుడు అనే మానస పుత్రునకు, కిన్నరలు, కింపురుషులు జన్మించారు.(6)క్రతువు అనే మాన సపుత్రునకు పక్షి జాతి పుట్టింది.

ఆదిపర్వ - అధ్యాయ 167

॥ శ్రీః ॥
1.167. అధ్యాయః 167
Mahabharata - Adi Parva - Chapter Topics
హిడింబావధే ప్రవృత్తస్య భీమస్య యుధిష్ఠిరకృతం నివారణం॥ 1 ॥
హిడింబయా స్వస్య ధర్మజ్ఞత్వస్య భవిష్యజ్జ్ఞత్వస్య చ ప్రకటనం॥ 2 ॥
హిడింబాయా ధర్మిష్ఠతాం జ్ఞాత్వా తదంగీకరణే భీమం ప్రతి కుంత్యా ఆజ్ఞా॥ 3 ॥
Mahabharata - Adi Parva - Chapter Text

వైశంపాయన ఉవాచ। 1-167-0x(978)(7623)
సా తానేవాపతత్తూర్ణం భగినీ తస్య రక్షసః।
అబ్రువాణా హిడింబా తు రాక్షసీ పాండవాన్ప్రతి॥ 1-167-1(7624)
అభివాద్య తతః కుంతీం ధర్మరాజం చ పాండవం।
అభిపూజ్య తతః సర్వాన్భీమసేనమభాషత॥ 1-167-2(7625)
అహం తే దర్శాదేవ మన్మథస్య వశం గతా।
క్రూరం భ్రాతృవచో హిత్వా సా త్వామేవానిరుంధతీ॥ 1-167-3(7626)
రాక్షసే రౌద్రసంకాశే తవాపశ్యం విచేష్టితం।
అహం శుశ్రూషురిచ్ఛేయం తవ గాత్రం నిషేవితుం॥' 1-167-4(7627)
భీమసేన ఉవాచ। 1-167-5x(979)
స్మరంతి వైరం రక్షాంసి మాయామాశ్రిత్య మోహినీం।
హిడింబే వ్రజ పంథానం త్వమిమం భ్రాతృసేవితం॥ 1-167-5(7628)
యుధిష్ఠిర ఉవాచ। 1-167-6x(980)
క్రుద్ధోఽపి పురుషవ్యాఘ్ర భీమ మా స్మ స్త్రియం వధీః।
శరీరగుప్త్యభ్యధికం ధర్మం గోపాయ పాండవ॥ 1-167-6(7629)
వధాభిప్రాయమాయాంతమవధీస్త్వం మహాబలం।
రక్షసస్తస్య భగినీ కిం నః క్రుద్ధా కరిష్యతి॥ 1-167-7(7630)
వైశంపాయన ఉవాచ। 1-167-8x(981)
హిడింబా తు తతః కుంతీమభివాద్య కృతాంజలిః।
యుధిష్ఠిరం తు కౌంతేయమిదం వచనమబ్రవీత్॥ 1-167-8(7631)
ఆర్యే జానాసి యద్దుఃఖమిహ స్త్రీణామనంగజం।
తదిదం మామనుప్రాప్తం భీమసేనకృతే శుభే॥ 1-167-9(7632)
సోఢం తత్పరమం దుఃఖం మయా కాలప్రతీక్షయా।
సోఽయమభ్యాగతః కాలో భవితా మే సుఖోదయః॥ 1-167-10(7633)
మయా హ్యుత్సృజ్య సుహృదః స్వధర్మం స్వజనం తథా।
వృతోఽయం పురుషవ్యాఘ్రస్తవ పుత్రః పతిః శుభే॥ 1-167-11(7634)
వీరేణాఽహం తథాఽనేన త్వయా చాపి యశస్వినీ।
ప్రత్యాఖ్యాతా న జీవామి సత్యమేతద్బ్రవీమి తే॥ 1-167-12(7635)
యదర్హసి కృపాం కర్తుం మయి త్వం వరవర్ణిని।
మత్వా మూఢేతి తన్మాం త్వం భక్తా వాఽనుగతేతి వా॥ 1-167-13(7636)
భర్త్రాఽనేన మహాభాగే సంయోజయ సుతేన హ।
సముపాదాయ గచ్ఛేయం యథేష్టం దేవరూపిణం।
పునశ్చైవానయిష్యామి విస్రంభం కురు మే శుభే॥ 1-167-14(7637)
`అహం హి సమయే లప్స్యే ప్రాగ్భ్రాతురపర్వజనాత్।
తతః సోఽభ్యపతద్రాత్రౌ భీమసేనజిఘాంసయా॥ 1-167-15(7638)
యథాయథా విక్రమతే యథారిమధితిష్ఠతి।
తథాతథా సమాసాద్య పాండవం కామమోహితా॥ 1-167-16(7639)
న యాతుధాన్యహం త్వార్యే న చాస్మి రజనీచరీ।
ఈశా రక్షస్స్వసా హ్యస్మి రాజ్ఞి సాలకటంకటీ॥ 1-167-17(7640)
పుత్రేణ తవ సంయుక్తా యువతిర్దేవవర్ణినీ।
సర్వాన్వోఽహముపస్థాస్యే పురస్కృత్య వృకోదరం॥ 1-167-18(7641)
అప్రమత్తా ప్రమత్తేషు శుశ్రూషురసకృత్త్వహం।'
వృజినే తారయిష్యామి దాసీవచ్చ నరర్షభాః॥ 1-167-19(7642)
పృష్ఠేన వో వహిష్యామి విమానం సుకృతానివ।
యూయం ప్రసాదం కురుత భీమసేనో భజేత మాం॥ 1-167-20(7643)
`ఏవం బ్రువంతీ హ తథా ప్రత్యాఖ్యాతా క్రియాం ప్రతి।
భూంయాం దుష్కృతినో లోకాన్గమిష్యేఽహం న సంశయః॥ 1-167-21(7644)
అహం హి మనసా ధ్యాత్వా సర్వం వేత్స్యామి సర్వదా।'
ఆపన్నిస్తరణే ప్రాణాంధారయిష్యే న కేనచిత్॥ 1-167-22(7645)
సర్వమావృత్య కర్తవ్యం ధర్మం సమనుపశ్యతా।
ఆపత్సు యో ధారయతి స వై ధర్మవిదుత్తమః॥ 1-167-23(7646)
వ్యసనం హ్యేవ ధర్మస్య ధర్మిణామాపదుచ్యతే।
పుంయాత్ప్రాణాంధారయతి పుణ్యం వై ప్రాణధారణం॥ 1-167-24(7647)
యేన కేనాచరేద్ధర్మం తస్మిన్గర్హా న విద్యతే।
`మహతోఽత్ర స్త్రియం కామాద్వాధితాం త్రాహి మామపి॥ 1-167-25(7648)
ధర్మార్థకామమోక్షేషు దయాం కుర్వంతి సాధవః।
తత్తు ధర్మమితి ప్రాహుర్మునయో ధర్మవత్సలాః॥ 1-167-26(7649)
దివ్యజ్ఞానేన జానామి వ్యతీతానాగతానహం।
తస్మాద్వక్ష్యామి వః శ్రేయ ఆసన్నం సర ఉత్తమం॥ 1-167-27(7650)
అద్యాసాద్య సరః స్నాత్వా విశ్రంయ చ వనస్పతౌ।
శ్వః ప్రభాతే మహద్భూతం ప్రాదుర్భూతం జగత్పతిం॥ 1-167-28(7651)
వ్యాసం కమలపత్రాక్షం దృష్ట్వా శోకం విహాస్యథ।
ధార్తరాష్ట్రాద్వివాసం చ దహనం వారణావతే॥ 1-167-29(7652)
త్రాణం చ విదురాత్తుభ్యం విదితం జ్ఞానచక్షుషా।
ఆవాసే శాలిహోత్రస్య స వో వాసం విధాస్యతి॥ 1-167-30(7653)
వర్షవాతాతపసహో హ్యయం పుణ్యో వనస్పతిః।
పీతమాత్రే తు పానీయే క్షుత్పిపాసే వినశ్యతః॥ 1-167-31(7654)
తపసా శాలిహోత్రేణ సరో వృక్షశ్చ నిర్మితః।
కాదంబాః సారసా హంసాః కురర్యః కురరైః సహ॥ 1-167-32(7655)
రువంతి మధురం గీతం గాంధర్వస్వనమిశ్రితం। 1-167-33(7656)
వైశంపాయన ఉవాచ।
తస్యాస్తద్వచనం శ్రుత్వా కుంతీ వచనమబ్రవీత్॥ 1-167-33x(982)
యుధిష్ఠిరం మహాప్రాజ్ఞం సర్వధర్మవిశారదం। 1-167-34(7657)
కుంత్యువాచ।
త్వం హి ధర్మభృతాం శ్రేష్ఠో మయోక్తం శృణు భారత॥ 1-167-34x(983)
రాక్షస్యేషా హి వాక్యేన ధర్మం వదతి సాధు వై।
భావేన దుష్టా భీమం వై కిం కరిష్యతి రాక్షసీ॥ 1-167-35(7658)
భజతాం పాండవం వీరమపత్యార్థం యదీచ్ఛసి।' 1-167-36(7659)
యుధిష్ఠిర ఉవాచ।
ఏవమేతద్యథాఽఽత్థ త్వం హిడింబే నాత్ర సంశయః॥ 1-167-36x(984)
స్థాతవ్యం తు త్వయా ధర్మే యథా బ్రూయాం సుమధ్యమే।
`నిత్యం కృతాహ్నికా స్నాతా కృతశౌచా సురూపిణీ॥' 1-167-37(7660)
స్నాతం కృతాహ్నికం భద్రే కృతకౌతుకమంగలం।
భీమసేనం భజేథాస్త్వముదితే వై దివాకరే॥ 1-167-38(7661)
అహస్సు విహరానేన యథాకామం మనోజవా।
అయం త్వానయితవ్యస్తే భీమసేనః సదా నిశి॥ 1-167-39(7662)
ప్రాక్సంధ్యాతో విమోక్తవ్యో రక్షితవ్యశ్చ నిత్యశః।
ఏవం రమస్వ భీమేన యావద్గర్భస్య వేదనం॥ 1-167-40(7663)
ఏష తే సమయో భద్రే శుశ్రూషా చాప్రమత్తయా।
నిత్యానుకూలయా భూత్వా కర్తవ్యం శోభనం త్వయా॥ ॥ 1-167-41(7664)

ఇతి శ్రీమన్మహాభారతే ఆదిపర్వణి హిడింబవధపర్వణి సప్తషష్ట్యధికశతతమోఽధ్యాయః॥ 167 ॥

Mahabharata - Adi Parva - Chapter Footnotes
1-167-5 భ్రాతృసేవితం పంథానం మృత్యుం॥ సప్తషష్ట్యధికశతతమోఽధ్యాయః॥ 167 ॥

www.sanatanadharm.com - play store app (sanatana dharm)

"Bharathiya Sanatana Dharm" and Sanatana Dharmam & Dharmo rakshati Rakshitha logo are our trademarks. Unauthorised use of "Sanatana Dharmam & Dharmo rakshoati Rakshitha" and the logo is not allowed. Copyright © sanatanadharm.com All Rights Reserved . Made in India.